เอวํ พุทฺธญฺจ ธมฺมญฺจ สณฺฆญฺจ อนุตฺตรํ, จกฺกวาฬมฺหิ สพฺเพหิ วตฺถูหิ ปูชยามหํฯ ปตฺถนาทีปนีคาถา อสฺมิํ จ ปุพฺเพปิ จ อตฺตภาเว, สพฺเพหิ ปุญฺเญหิ มยา กเตหิ; ปูชาวิธาเนหิ จ สญฺญเมหิ, ภเว ภเว เปมนิโย ภเวยฺยํฯ สทฺธา หิโรตฺตปฺปพหุสฺสุตตฺตํ, ปรกฺกโม เจว สติสฺสมาธิ; นิพฺเพธภาคี วชิรูปมาติ, ปญฺญา จ เม สิชฺฌตุ ยาว โพธิํฯ ราคญฺจ โทสญฺจ ปหาย โมหํ, ทิฏฺฐิญฺจ มานํ วิจิกิจฺฉิตญฺจ; มจฺเฉเรอิสฺสามลวิปฺปหีโน, อนุทฺธโต อจฺจปโล ภเวยฺยํฯ ภเวยฺยหํ เกนจิ นปฺปเสยฺโห, โภโค จ ทินฺเนหิ ปเฏหิ; โภโค จ กาโย จ มเมส ลทฺโธ, ปรูปการาย ภเวยฺยํ นูนฯ ธมฺเมนา มาลาปิตโร ภเรยฺยํ, วุฑฺฒปจายี จ พหูปการี; ญาตีสุ มิตฺเตสุ สปตฺตเกสุ, วุฑฺฒิํ กเรยฺยํ หิตมตฺตโน จฯ เมตฺเตยฺยนาถํ อุปสงฺกมิตฺวา, ตสฺสตฺตภาวํ อภิปูชยิตฺวา; ลทฺธาน เวยฺยากรณํ อนูนํ, พุทฺโธ อยํ เหสฺสตินาคเตสุฯ โลเกน เกนาปิ อนุปลิตฺโต, ทาเน รโต สีลคุเณ สุสาณฺฐิโต; เนกฺขมฺมภาคิ วรญาณลาภี, ภเวยฺยหํ ถามพลุปปนฺโนฯ สีสํ สมํสมํ มม หตฺถปาเท, สํฉินทมาเนปิ กเรยฺยขนฺติํ; สจฺเจ ฐิโต กาลุมธิฏฺฐิเต ว, เมตฺตายุเปกฺขาย ยุโต ภเวยฺยํฯ มหาปริจฺจาคํ กตฺวา ปญฺจ, สมฺโพธิมคฺคํ อวิราธยนฺโต; เฉตฺวา กิเลเส จิตปญฺจมาโร, พุทฺโธ ภวิสฺสามิ อนาคเตสุฯ |